نیویارک،18جنوری(ایس  اونیوز/آئی این ایس انڈیا)امریکی خفیہ ادارے سی آئی اے نے بارہ ملین خفیہ دستاویزات آن لائن جاری کر دی ہیں۔ ان دستاویزات کے منظرعام پر آنے سے سی آئی اے کی تاریخ اور سرگرمیوں سے متعلق نئی معلومات سامنے آئیں گی۔

منگل کے روز دستاویزات کے اس بہت بڑے ذخیرے میں اس ادارے کی سن 1940سے 1990ء تک کی سرگرمیوں سے متعلق معلومات موجود ہیں۔ بتایا گیا ہے کہ ان دستاویزات میں 73ہزار جرمنی کے حوالے سے بھی ہیں۔

ان دستاویزات میں سرد جنگ، کوریائی اور ویتنام جنگ سے متعلق بھی معلومات ہیں۔ واضح رہے کہ ان دستاویزات میں اس ادارے کی حالیہ برسوں کی سرگرمیوں سے متعلق مواد شامل نہیں ہے۔